Voggies

Geen drank of sigarette is meer beskikbaar,

Al die wyn en whisky in die huis is ook nou klaar,

Al die ou verbode voggies is oral nou op

hoe nou gemaak vir die nodige dop?

Hoe moet ons cope onder hierdie geweldige stres?

Ek rook nie eers nie, maar wat van die res!

Ons kan na nie na werk gaan stap of gaan draf,

en met my dik lyf is yoga of pilates net laf!

Almal maak tuisgemaakte vodka of pynappel bier,

al gooi jy koeldrank daarby .. proe dit of te wild of te suur.

In die kettingwinkels is non-alcoholic voggies oral volop,

maar hoe maak dit sin om iets te drink sonder skop.

By ‘n verbode braai word inligting uitgedeel,

oor wyn sonder etikette of sonder ‘n seël.

Al proe dit sleg of is die oorsprong onbekend,

betaal ons enigiets al is dit duur tot op die laaste sent.

O, my lus hang uit vir ‘n goeie Skotse versnit,

selfs Vat 69 sal ek nou ten volle benut!

Goedkoop drank wat ons nou duur voor betaal,

proe net so lekker soos dié op die hoogste skaal.

As ek moet kies tussen die voggies en ons huidige las,

verkies ek natuurlik my gesondheid bo ‘n babbelas.

So .. tot wanneer ons dan weer daai kosbare voggies kan drink,

wag ek geduldig om met julle almal weer ‘n glasie te klink.

Gatsrivier

Het jy al deur die Ceres Karoo gery

‘n Vlugteling uit die stad en sy geraas,

Om die stres wat jou versmoor te vermy

Weg van pad woede en gekruide taal,

Daar waar jou sintuie blootstelling kry

Eensame stukkie aarde, droog en kaal

So wyd dat die aardse kurwe sigbaar is

En waar jou gedagtes in jou kop verdwaal

 

Die doodse stilte wat jou ore verdoof

Tussen drie riviere, Gats-, Tankwa- en Doring-,

Het die droogte die riviere van hul water beroof

Tussen die Roggeveld- en Koedoes berg

Nuanse wat verrassings beloof

In die Karoo is jou metgesel rustigheid en vrede

Die grensloosheid onmeetlik groot

En lê die bergreekse platvloers uit veld verhewe

 

Karee- en doring bome wat met koelte verkwik

In die afwesigheid van selfoon opvangs,

Kwetter die voëls wat vreedsaamheid beskik

Effe wild maar tog beskaafde vakansie plaas,

Jou gesindheid en gemoed bepaal jou geluk

Min mense ken hierdie inspirerende ervaring

Vreemde mense wat mekaar vertrou 

Om op die boek te drink vir latere betaling

 

Maar hierdie plek is nie vir almal beskore

Ry jy die Patats rivier afdraai mis,

Raak jy gou in hierdie landskap verlore

Al wys die GPS vir jou waarlangs jy moet ry,

Word nuwe avonture sommer gou gebore

As jy verdwaal tot amper in Sutherland,

Wag ‘n koperkapel met die omdraai vir jou

Die son al hoog om oppad terug jou te verblind

 

Die diesel raak min en naby is nou ver

Deur droë rivier beddings en ou hutte verby,

Nou 'n twee spoor paadjies baie sinister

By ‘n gaste plaas, moedeloos trek ek af,

Word ek gegroet deur ‘n paar bokke wat blêr

Kry instruksies wat die regte rigting aandui

Versigtig volg ons die landmerke soos oorgedra,

Teen laat middag by Bakens rivier verby

 

Oor die laaste bult teen lang die helling af,

Verskyn onnatuurlik die groot houthek voor my

Niemand in sig, die kamp is so stil soos die graf

Vanaf ‘n radio teen ‘n paal ontbied ons die voorman,

En kom hy oor die vlakte aangedraf

My hart klop nou tydsaam, die adrenalien verdwyn,

Die rivierloop omtower die veld in lowergroen 

Gatsrivier se nuanse wat voor my verskyn 

Die Virus

Die mensdom is in hul huise vasgevang

Ingeperk om mekaar weer te ervaar

Van vooraf lief te kry en te aanvaar

Ons vryheid gaan van ons gedrag afhang

 

Party beweer dit is ons eie toedoen

Moeder aarde veg genadeloos terug

Oorbevolking, gemors en versmorende lug

Om natuur en mense weer eendag te versoen

 

In ‘n verdeelde wêreld met selfsug daarin

Mens wat nie omgee of die aarde vergaan

Nou gedweë gedwing om saam te staan

Moet ons nou oor ‘n nuwe toekoms besin 

 

Met vrees en paniek besaai

Baatsug van die egoïstiese mens

Koop gulsig al wat kan vir die spens

Drankloos voel ander verraai

 

Dit gons en daar word baie gepraat

Sameswering, nalatigheid of noodlot

China, Amerika, terroriste deel van die komplot

Sal ons ooit weet wie het die virus uitgelaat

In ons huise sal ons volhard sonder verset

Hou die nuus dop in groot verwagting

Aanvaar die noodregulasies met minagting

“Julle sal klaarkom met wat jul het!”

 

Almal probeer om kop bo water te hou

Die geestelik geveg om normaal te bly

‘n Ewige stryd om die virus te vermy

Ons kan maar net bid en te vertrou

 

Koester hierdie kosbare tyd wat God ons gee

Leer geduld, geloof en verdraagsaamheid

Ervaar rus en vrede, liefde en familie tyd

Aan die ander kant sal ons nou ‘n nuwe wêreld betree