Vertroos, versorg en met liefde omvou
Geskenke uit God se genade hand
Hoe sou ons julle groot kry sonder berou
Onseker en onhandig het ons julle grootgemaak
Met wat ons het en weet ons beste probeer
Julle lewens paadjie het ons vir julle voorberei
Met hoop en vertroue het ons julle alles geleer
In ‘n oogwink het julle ons opvoeding ontgroei
Te vinnig het julle ons nie meer nodig gehad
Julle eie paadjies vir julle mooi uitgekerf
Om vreesloos die moeder nes te verlaat
Nou is julle groot, onafhanklik en volwasse
Julle keuses is gemaak en visie bepaal
Met trots en verwondering kyk ek op na julle
Dankbaar om deel te wees van julle verhaal
Ek skryf hierdie brief in ‘n ode nou aan julle
Om hierdie laaste opdragte aan julle te gee
Ons verdrag van onfeilbare liefde te bekragtig
En om onvoorwaardelik eerbaar op te tree
Geen opmerkings nie:
Plaas 'n opmerking